Tuesday, July 26, 2016

HAMPI-5

இன்று காலை நங்கள் சென்றது. கோப்பல் எனும் ஒரு இடம், ஹோஸ்பெட் இல் இருந்து 30 km, முழுவதும் கிராம சாலை வழியாக செல்லவேண்டும் என்பதால் 90 நிமிடங்களில் கோப்பல்அடைந்தோம். ஹம்பியில் பார்த்த அதே மலை தொடர்களை இங்கேயும் பார்க்க முடிகிறது. 

நவ பிருந்தாவனம்: இந்த பெயரை பார்த்துதான் கொஞ்சம் ஏமாந்துட்டன்.
இங்குள்ள ஒரு சிறு கிராமத்தில் இருந்து படகு மூலம் தூங்கபத்ர நதியை கடந்து நவ பிருந்தாவனம் செல்ல வேண்டும். அரசு மூலம் நடத்தப்படும் படகு சேவையில் ஒரு படகு மட்டுமே உள்ளது. அதனால் சிறுது நேரம் காத்திருந்த பின் எங்கள் படகு பயணம் தொடங்கியது. ...

அரைமணி நேர படகு பயணம், 10 நிமிட நடை பயணம் மூலம் நவ பிருந்தாவனம் என்று சொல்லப்படுகின்ற இடத்தயை  அடைந்தோம். நெல்லு அடிக்கற கிரௌண்ட்ல சின்ன சின்ன கோவிலை வச்சு அதுக்கு என்னவோ ஒரு கதை வேற. எனக்கு சாமின்னாலே கொஞ்சம் அலர்ஜி. நான் உள்ளே போகல. இங்க வந்ததே வேஸ்டுனு  நினைக்கும் போது...ஐடியா!...எப்படியும் போட் அடுத்த ட்ரிப் வர ஒரு மணி நேரம் ஆகும். இருக்கவே இருக்கு ஆறு..
ம்ம்ம்ம் அப்புறம் என்ன, அடுத்த ஒருமணி நேரம் ஆத்துல செம ஆட்டம். என் குட்டி பையனுக்கு செம கொண்டாட்டம் தான். 


நவ பிருந்தாவனம்
திரும்பி போட்ல வரும் பொது நல்ல மழை. முதல் முறை ஆறு + படகு + மழை காம்பினேஷன் சூப்பர்...அடுத்தது நங்கள் சென்றது ஒரு மலை கோவில்.

மலைமேல ஒரு சின்ன கோவில், இங்கு வர எல்லாரும் கோவில் வரைக்கும் வந்து திரும்பி விடுகிறார்கள். நாங்க தாண்டி கொஞ்சம் தூரம் சென்றோம். ரொம்ப அருமையா இருந்துது. அந்த மலைல கொஞ்சம் நேரம் ரெஸ்ட் எடுத்துட்டு மதியம் கீழவரும் போது வயத்துல மணி அடிக்க ஆரம்பிச்சுடுச்சு.




 ஹோட்டல் ஒன்னும் சொல்லும்படி இல்ல..வழி எங்கும் கிராமங்கள் தான். நல்ல மழை ஒரு வழியா நாலு மணிக்கு துங்கபத்ரா டேம் வந்தோம். அடை மழையிலும் விடாமல் டேம்மை சுத்தி வருனுமுன்னு ஆசை தான். அனால் குடும்ப நலன் கருதி ஆசைல மழை தண்ணி ஊத்தி அணைச்சிட்டு. அங்க இருந்த ஓர் AQUARIUM மட்டும் பார்த்தோம். எல்லா டேம்ளையும் தண்ணி இருக்கோ இல்லையோ AQUARIUM மட்டும் கண்ணடிப்பா இருக்குபா...


துங்கபத்ரா டேம் அருகில்
நண்பரோட மனைவிக்கு ஹொஸ்பட்ல அக்கா இருக்காங்களாம். அவங்க வீட்டுக்கு கூப்டு இருந்தாங்க. டேம்ல இருந்து கெளம்பி அவங்க வீட்டுல 6 மணிக்கு LUNNER முடிச்சிட்டு, அதாங்க லஞ்ச் + டின்னர் = லன்னர்...விடு ஜுஊட்....

நைட் ரெண்டு மணிக்கு பெங்களூர் வந்து சேர்ந்தோம். அப்ப்பா..போடுற ரெண்டு நாள் லீவ ஆபிசுக்கு...

ஹம்பி பயணம் முற்றும் ஆனால் பயணம் என்றும் தொடரும்....
ஆனந்த விகடன் cover-photo, clicked by RAJA

HAMPI-4

ஹம்பி-ன் இந்த ஒரு பகுதி முழுவதும் வீடுகளோ மற்ற கடைகளோ இல்லை, மறு பகுதியான Virupaksha கோவிலை சுற்றி ஒரு சிறு கிராமம் காணப்படுகிறது. இங்கு நிறைய உணவகம் உள்ளது. மதிய உணவை மாலை முடித்து கொண்டு விருபகஷ  கோவிலை வட்டமிடலாம். 

மலைகள் முழுவதும் பாறைகளாய் நிறைந்திருக்க அதன் அடிவாரம் முழுவதும் அக்கற்களை கொண்டே உருவான கோவில்களாகவும் சிற்பங்களாகவும் இருப்பதை பார்க்கும் போது கொள்ளை அழகு.
Virupakshatemple 
துங்கபத்திரை ஆறு மற்றும் மலை குன்றுகளின் நடுவே அமைந்திருக்கும் இந்த கோவில் பூஜை திருவிழா என விஜயநகரின் மிச்சம் இங்கு உயிர் உடன் உள்ளது. சூரிய அஸ்தமன நேரம் வரை இங்கு இருந்துவிட்டு இரவு விடுதிவந்தோம் .

 (விஜயநகரப் பேரரசின் தலைநகரமான விஜயநகரத்தின் அழிபாடுகளிடையே அமைந்துள்ள சில பகுதிகள்..) 




கல் தூண்









பயணம் தொடரும்...

HAMPI-3

சிவன் கோவில்: இதை பாதாள சிவன் கோவில் என்று அழைக்கின்றர். இது நிலப்பரப்பில் இருந்து ஒரு பத்து அடி ஆழதில் அமைந்து உள்ளது. உள் பிரகார தரை பகுதி முழுவதும் மழை நீரினால் சூழப்பட்டு இருக்கிறது.
Underground siva


Underground siva
Apocalypto படத்தில் வருவது போன்ற ஒரு பாதி பிரமிட் வடிவ மேடை மேல் ஏறி நின்று அழிந்து போன அந்த நகர அமைப்பும் தொல்லியல் துறை மீட்டிடடுத்த கோட்டையின் அமைப்புகளையும் பார்க்கும் போது அந்த காலத்தின் உணர்வு நம் மனதில் தோன்றி மறைகிறது.
 
View from pyramid


இதன் அருகில் ஒரு ஜோடி பெரிய கல்லாலான கதவுகளை பார்க்கும் போது பாதி பிரமிட் வடிவ மேடை ஒரு பெரிய மண்டபமாகவோ அல்லது கோவிலாகவோ இருந்து பின்பு சிதிலமடைந்து இருக்கக்கூடும்.

Pyramid Basement

Stone Doors
மேலும் வழி எங்கும் சிலைகள் (நரசிம்ம, லிங்கம், விநாயகர்) கடந்து சென்றால் யானை பார்க்கிங் வருகிறது. இதன் அமைப்பை பார்க்கும் போதும் இஸ்லாமிய கட்டிடக்கலை போல்தான் தோன்றுகிறது.
Elephant parking

Vitthala Temple: இந்த அழகிய கோவிலில் இருந்து ஒரு 500 மீட்டர் முன்பே நம் வாகனங்களை நிறுத்தி விட்டு அங்கிருந்து பாட்டரி கார் மூலம் மட்டுமே இந்த கோவிலை சென்று அடைய முடியும்.  இந்த பாட்டரி கார்கள் அனைத்தும் உள்ளூர் இளம் பெண்களாலே இயக்கப்படுகிறது. கோவிலை சுற்று சூழலில் இருந்து காப்பதும் ஆச்சு, உள்ளூர் பெண்களுக்கு வேலை கொடுப்பதும் ஆச்சு.
Vitthala Temple

கர்நாடக மாநிலத்தின் சின்னமாக உள்ள கல்தேர் இங்குதான் உள்ளது. தேரின் முன்பு உள்ள யானைகள் பிற்பகுதியில் இணைக்க பட்டவை. தேரிலும் மண்டபத்திலும் உள்ள சிற்ப வேலைப்பாடுகள் அருமை.
stone chariot

Vitthala கோவிலின் உள்புரத்தில் உள்ள மண்டபங்களில் மேற்கூரைகள் மிகவும் சேதாரம் அடைந்து காணப்படுகிறது. மதுரை மீனாக்ஷி கோவிலில் உள்ளது போன்ற இசை தூண்கல் இந்த நாட்டிய மண்டபத்தின் சுற்றிலும் காணப்படுகிறது. பறந்துவிரிந்து காணப்படும் இந்த சமவெளி பகுதியில் தனியே அமைந்திருக்கும் இந்த கோவிலின் அழகை காணும் போது உள்ளத்தில் ஏற்படும் எண்ணங்களை விளக்க வார்த்தை இல்லை.
Shops

Shops

இக்கோவிலை சுற்றி உள்ள கல்தூண் மண்டபங்கள் எல்லாம் அந்நாட்களில் மிக முக்கியமான தங்க, வைர சந்தை நடக்கும் பகுதிகள்.

லோட்டஸ் மண்டபம்:
எல்லா நுழைவாயில் க்கும் சேர்த்து ஒருமுறை டிக்கெட் எடுத்தால் போதும். டிக்கெட் விலை பத்து மட்டும்.
லோட்டஸ் Temple
இந்த மண்டபத்தின் உள்சுவர்களில் நீர் குழாய்கள் பதிக்கப்பட்டு அதன் மூலம்
நீர் செலுத்தப்படுவதால் வெளியில் இருக்கும் வெப்பம் சற்று உள்ளே குறைக்கப்படுகிறது. இதை சுற்றிலும் ஒரு பூங்கா பராமரிக்கபடுகிறது. கல்வி சுற்றுலா வந்த சில மாணவர்களை இங்கே சந்தித்தோம். மைசூர்-ல் இருந்து வருவதாக கூறினார்கள். எனக்கும் பாடப்புத்தகத்தில் விஜயநகர பேரரசு பற்றி படித்தது லைட்டா ஞாபகம்.

பயணம் தொடரும்...


HAMPI-2

ஹோஸ்பேட்டில் இருந்து ஒரு பதினைந்து இருபது நிமிட பயணத்தில் ஹம்பி  அடையாளம். ஹம்பியில் நிறைய வெளிநாட்டவர்களை பார்க்க முடிகிறது. கலை எங்கெல்லாம் இருக்கோ அங்கேயெல்லாம் இவர்களை பார்க்கலாம். நாம தான் இன்னும் காதலி காதலன் பெயரையும் எக்ஸாம் நம்பரையும் எழுதிக்கிட்டு இருக்கோம்.

ஹம்பி முழுவதுமாய் அழகிய கோவில்களும் மண்டபங்களும் நிறைந்து கிடக்கிறது. சிற்ப, கட்டட கலையில் நாட்டம் உள்ள அனைவருக்கும் ஹம்பி ஒரு சொர்கபூமிதான். ஒரு கோவிலுக்கும் மற்ற கோவிலுக்கும் குறைந்தது 500 mrts தூரம் இருக்கும். பொ  று  மை  யா  ரசிச்சு பாக்க ஒரு நாள் போதாது. ஏப்ரல் டு ஜூலை இந்த பக்கம் வந்துடாதீங்க, வெயில் உங்கள் பயணத்தை இனிமையாக்க விடாது. ஆகஸ்ட் டு மார்ச்-நன்று. நவம்பர் டிசம்பர் - மிக நன்று.
இங்கு சைக்கிள் வாடகைக்கு எடுத்துக்கொண்டு சுற்றும் வெளிநாட்டவர்களை பார்க்க முடிகிறது.

முதலில் நம்மை வரவேற்பது  தலரிகட்ட கேட், இங்கு நம் வாகனத்தின் பதிவு எண் குறிக்கப்பட்ட பின்பு நம்மை உள்ளே அனுமதிக்கின்றர்.
தலரிகட்ட கேட்
Temple
பின்பு ஒரு கோவிலும் அதனை தொடர்ந்து பூங்காவுடம் அமைக்கப்பட்ட சிறு மண்டபமும் உள்ளது. வெளி தோற்றம் மண்டபம் போல கட்சி அளித்தாலும் உள்ளாய் அது ஒரு குளம். குளமும் (Indoor swimming pool) அதனை சுற்றி மண்டபமும் உள்ளது. இந்த குளத்திற்கு வரும் நீர் வழிகள் கலைநயம் மிக்க ஒன்று.
பூங்காவுடம் அமைக்கப்பட்ட சிறு மண்டபம்

Indoor swimming pool
அங்கிருந்து ஒரு நூறு மீட்டர் தள்ளி மற்றொரு குளம் (queen's bath) சினிமா படங்கள்ல பார்த்த இந்த குளம், நேரில் பார்க்கும் போது மிக அழகு. ராஜ வம்ச பெண்கள் குளிப்பதற்கு உள்ள இந்த குளத்தில் இந்து இஸ்லாமிய கூட்டு கட்டிடக்கலையை பார்க்க முடிகிறது. இதன் உள்ளே இறங்க தற்போது அனுமதி இல்லை.
Queen's bath
 இக்குளத்திற்கு நீர் வருவதற்கு 6 அடி உயரத்தில் கருங்கல்லினால் ஆன நீண்ட வாய்க்கால் அமைத்து இருப்பது அருமை. குளத்தில் அமைக்க பட்டிருக்கும் கற்களும் மற்ற கருங்கல்லை போல இல்லாமல் வழ வழப்பாக சலவை கற்களை போல உள்ளது. கோவிலும் மற்ற மண்டபங்களும் அடையாளம் காணப்பட்ட பின்புதான், முற்றிலும் மண் மூடியிருந்த இந்த குளத்தை கண்டுபிடித்து சீரமைக்கபட்டதாம்.

பயணம் தொடரும்...

HAMPI-1

கர்நாடக மாநிலத்தின் வடக்குப் பகுதியில், துங்கபத்திரை ஆற்றங்கரையில் உள்ள ஒரு ஊர் ஆகும். ஹம்பி, விஜயநகரப் பேரரசின் தலைநகரமான விஜயநகரத்தின் அழிபாடுகளிடையே அமைந்துள்ளது. விஜயநகரத்துக்கும் முந்திய காலப்பகுதியைச் சேர்ந்ததாக இருக்கக்கூடிய இவ்வூர் இன்றும் ஒரு முக்கியமான சமயச் சிறப்புவாய்ந்த இடமாகத் தொடர்ந்து வருகிறது. புகழ்பெற்ற விருபாட்சர் கோயில் இவ்விடத்திலேயே உள்ளது.

ஹம்பி, விஜயநகரத்தோடு தொடர்புடைய மேலும் பல நினைவுச் சின்னங்களையும் தன்னகத்தே கொண்டுள்ளது. இவ்வூர் பழைய நகரத்தின் வீதிகளிலும் விரிவடைந்து உள்ளது. இது பழைய நகரத்தின் மையப் பகுதியில் இருப்பதனால், இதையும் அழிந்த நகரத்தையும் ஒன்றாக எண்ணிக் குழம்பும் நிலை உள்ளது. விஜய நகரத்தின் நினைவுச் சின்னங்கள், ஹம்பி நினைவுச் சின்னங்களின் தொகுதி என்ற பெயரில் யுனெஸ்கோ உலக பாரம்பரியக் களமாகப் பட்டியலிடப்பட்டுள்ளது.

 ---wiki---

ரொம்ப நாளாகவே ஹம்பி போகணும்னு அவா..  வாய்ப்பு இப்ப தான் வந்தது.

பெங்களூரில் இருந்து சித்ரதுர்கா வரைக்கும் நான்குவழி சாலை வழியாக, சித்ரதுர்காவில் இருந்து ஹோஸ்பெட் வரைக்கும் இரண்டுவழி சாலை பயணமாக செல்லவேண்டும் . சித்ரதுர்கா டு ஹோஸ்பெட் செல்லும் ரோடு அதிக அளவு கனரக வாகனங்கள் பயன்பாடு இருப்பதால் கவனம், ரோடும் சுமார்.

இந்த வழியில் IRON MINE இருப்பதால் அதிக வாகன போக்குவரத்து. வழியில்  ஒரு நீர் தேக்கம் (DAM) இருக்கு, இந்த இடத்தில் இரும்பு அதிக அளவு மண்ணில் இருப்பதால் தண்ணி பார்க்க கருப்பா இருக்கும். காரில் இருந்து பார்த்த படி செல்வது சிறந்தது. இறங்கி போய் பார்க்கும் அளவுக்கு ஒன்னும் அங்கேய் இல்ல.

ஹம்பிக்கு மிக அருகில் (உண்மையா மிக அருகில் தான் 12km) இருக்கும் சிறு நகரம் ஹோஸ்பெட்இல் நிறைய தங்கும் ஹோட்டல் இருப்பதால் அங்கு தங்குவது சிறந்தது.

அதிகாலை எட்டு மணிக்கு பெங்களூர்-ல இருந்து NICE ROAD வழியா தும்கூர்-ல காலைஉணவு (2 தட்ட இட்லி) முடிச்சுட்டு நேரா சித்ரதுர்கா-ல ப்ரண்ட் வீட்ல மதியஉணவு முடிச்சுட்டு.. கொஞ்சம் ரெஸ்ட், 3 மணிக்கு ஸ்டார்ட்.. ஹோஸ்பெட் போறதுக்கு ஐந்து மணி. நேரா ஹோட்டல் (Hotel  PRIYADARSHINI) ரூம் புக் பண்ணிட்டு கொஞ்சம் ரெஸ்ட்,
ஹோட்டல் நல்லா கிளீனா பார்க்கிங் வசதியோட இருக்கு. தூங்குடா கைப்புள்ள ர்ர்ர்ர்ர்.. 
Hotel  PRIYADARSHINI



பயணம் தொடரும்...